影片
更多
2021-05-23
441 瀏覽
自從荃灣西既天空之城連接左之後，好多新式既商場同地舖都進駐左唔少有特色既餐廳。無論係西式既連鎖扒房，主打日式燒肉同和式料理既餐廳，定係打住自家品牌旗號割據一方既小店，都可以係荃灣西到搵到。而Total B呢間店，反而遠離荃灣西既核心地帶，立足係開設左唔少同汽車服務同產品有關既享和街。記得呢間小店岩岩新開既時候，已經同朋友黎食過一次晚餐，當時食完已經覺得充滿驚喜。先唔講食物既水準比起同類型既餐廳較為高，而且價錢方面亦唔算太貴，可以話係一間性價比非常之高既餐廳。後來，因為疫情既關係，佢地有段時間就cut左晚市堂食轉做外賣，所以我都少左去幫襯。4月復活節既時候，好彩算有放緩既跡象，加上放假既關係，就同女朋友去左幫襯佢地既午市。當日我同女朋友大概1:15pm到，但店入面已經坐滿哂人，外面亦有兩至三pair人係到等緊位。雖然等待既時間都算長，因為佢地既野食都係即叫即整，所以我同女朋友等到大概2:00pm先入到去，不過我個人覺得係值得等待既。由於個日既天氣都幾熱，所以唔係幾想食飯同意粉個d。(佢地既飯同意粉係好食既，建議大家都可以試一試！) 我自己就叫左個夏威夷炸雞漢堡，女朋友就叫左個墨西哥卷食。
記得呢間小店岩岩新開既時候，已經同朋友黎食過一次晚餐，當時食完已經覺得充滿驚喜。先唔講食物既水準比起同類型既餐廳較為高，而且價錢方面亦唔算太貴，可以話係一間性價比非常之高既餐廳。後來，因為疫情既關係，佢地有段時間就cut左晚市堂食轉做外賣，所以我都少左去幫襯。4月復活節既時候，好彩算有放緩既跡象，加上放假既關係，就同女朋友去左幫襯佢地既午市。
當日我同女朋友大概1:15pm到，但店入面已經坐滿哂人，外面亦有兩至三pair人係到等緊位。雖然等待既時間都算長，因為佢地既野食都係即叫即整，所以我同女朋友等到大概2:00pm先入到去，不過我個人覺得係值得等待既。由於個日既天氣都幾熱，所以唔係幾想食飯同意粉個d。(佢地既飯同意粉係好食既，建議大家都可以試一試！) 我自己就叫左個夏威夷炸雞漢堡，女朋友就叫左個墨西哥卷食。
例牌上左個南瓜湯同沙律先，我自己就本身麻麻地南瓜，但佢地將個湯煮到都算入味，加上有少少甘甜，所以飲落個人都幾開胃，但都會期待佢地遲d會出其他類型既湯。同埋我好中意食蒜蓉包，最重要係我好中意將個包點落d湯到一齊食，唔知大家有無呢個習慣呢哈哈。
5 瀏覽
0 讚好
0 留言
之後就黎食下佢地個夏威夷炸雞堡(除左呢款之外，Total B佢地仲有幾款漢堡，建議大家發掘下屬於自己既漢堡！) 首先，視覺上好有沖擊，因為成個漢堡好大個同好足料，基本上個口係無可能一啖咬到成個包。塊炸雞，如果睇圖既話可以見到係好厚既，當你一大啖咬落去，除左聽到炸脆聲係個口到發出，仲會食到少少辛辣既香料味道。除左炸雞之外，仲夾雜住生菜，蕃薯同埋沙律醬，成個配搭令到入面既料都好juicy但同時又唔會太油膩既感覺。薯條方面，平時Total B都會係長條大薯條，不過今次轉做扭扭薯條我都覺得好好食。
13 瀏覽
0 讚好
0 留言
女朋友叫左既墨西哥卷，反而係一種清新既感覺。雖然墨西哥卷唔算係咩新野食，但Total B都做得好足料，唔會話因為係普通野就hea做。個卷皮做得唔會太厚，薄薄咁一啖咬落入面既料，更易感受到成個卷既味道。入面既料就有生菜，蛋，青瓜同雞肉，其他餡料除左新鮮之外，雞肉都煮得岩岩好，唔會太乾，所以整個口感好好，尤其係係呢種天氣好熱既日子。
15 瀏覽
0 讚好
0 留言
整體用餐體驗，我覺得同開店既初期做比較，Total B仍然保持到水準。同時雖然餐廳只有一位男職員做樓面，所以好多工作都係由佢完成，但睇得出佢都好有熱誠同細心，同埋好有耐性咁服務唔同既客人。雖然Total B只係一間小店，但有著性價比高既食物，同埋職員良好既服務，令佢地都可以係呢個美食林立既荃灣占有一席位。即使佢地遠離繁華既中心地帶，仍然都能夠吸引到唔同食客既垂青，成為一間獨成一格既西餐小店。
張貼
