為食魚海鮮火鍋專門店 (已結業)

眼看龍蝦雜錦海鮮鍋，抵食兼大份，仲可以之後做湯底打邊爐，好似食雞煲咁，今晚就黎個海鮮夜呢煲原來係石鍋上，好似食石頭鍋飯嗰d厚鍋，湯係鮮龍蝦味，龍蝦斬件上，食極都有，五魚二魚故事咁哈哈，龍蝦原來可以咁多肉。龍蝦、蝦及蜆都好新鮮，龍蝦肉實但唔難咬開，蝦肉都幾有彈性，蜆肉好嫩滑另叫左桶蠔，新鮮蠔上碟仲涷，以我食蠔經驗，蠔最好剛解涷，又或者冰鮮住，咁處理可以保存蠔身的海水味，灼到蠔邊皺皮，食得！入口蠔帶少少淡海水味，好juicy, 加少少醬油好惹味，肉質爽甜，呢隻蠔不太creamy, 打邊爐不錯湯底一路滾緊一路食d刺身同燒蠔榮螺通常都係日本壽司店食，今次就咁食刺身都少見。榮螺肉新鮮爽甜juicy，有冰震住，一路食一路都凍住，凍住好似特別好味大大隻燒蠔，實在好大隻，汁燒剛收到水，蠔身入味，咬落滑流多汁，鮮甜幼嫩最後加左雜菌拼盤，湯少左要加湯，估唔到唔係滾水，係龍蝦湯，d湯飲埋都仲ok。金菇、秀珍菇等等，索埋湯d海鮮精華，有d油好似令菇更加滑更加入味總括今晚海鮮夜，材料幾新鮮，肚皮大飽口福