穴 (世貿中心) (已結業)

2016年最後一日都要返工，為咗令自己過得開心又滿足，今年最後一餐lunch就想食好D (都係借口黎既 😋) . 雖然話想食好D, 但其實都唔知自己想食乜，放咗工周圍行，行到世貿想試五樓露天個間，但又覺得好似唔多啱食，跟住行下行下，見到呢間有飛驒牛，一直諗住去名古屋先食，咁啱見到就不如試咗香港既先啦。入到去睇見餐牌冇飛驒牛有D失望，跟住問問店員，原來係晚市餐牌，佢拎比我時指住個燒飛驒牛，成$4xx, 嘩！想食好D都未去到咁呀？再睇吓，見到有三件飛驒牛壽司set, 睇相三件都唔同既，咁就叫呢個啦，再加多個9件刺身set咁就prefer喇。