為食龍 (已結業)

餐廳：為食龍地點：中環Soho區些利街菜式：特色咖啡廳餐牌：主打日式腐皮壽司。除左日式腐皮壽司，呢度仲有刺身，特式卷物，沙律，飯團，炸物，小食，串燒，飯及烏冬，甜品，同飲品。呢度都有酒飲。用餐時間90分鐘。Asahi $72 另加一先黎一杯Asahi，酒精濃度5.2%。用高身印有餐廳名既玻璃杯裝，好大杯，夠清涼易入口唔苦。深海池魚刺身 $90 另加一深海池魚刺身一客三切，非常厚切，好鮮美，伴有紅綠二色海草同日式芥末。豆腐豆腐沙律 $88 另加一豆腐豆腐沙律好大碟，沙律雜菜做底，面頭5磚滑溜豆腐，豆腐加左胡麻醬，最絕係豆腐面加左好多香脆粟米片，口感一滑一脆，好正。沙律菜有豐富胡麻醬，味道少少酸，伴有車厘茄同洋蔥片，味道絕對唔寡。我鍾意呢個沙律。牛油果沙律 $108 另加一牛油果沙律一樣咁大兜，係加左甜酸柚子醋既沙律雜菜配車厘茄，面頭係半個香滑新鮮牛油果加黑椒。好開胃。餐廳兩層高，行樓梯上一樓有位坐。裝修以恐龍同森林為主題，有玩味，非常似mamaday，影相打卡好正。餐廳氣氛輕鬆，播放西方pop music。收工Happy Hour可以考慮。