Ruby Tuesday (已結業)

一月份會員優惠$68 chocolate tall cake我又點會錯過呢！約埋friend 黎一齊 share。今天午餐我選子迷你漢堡$88，朋友就選了8安士牛排$158最喜歡頭盆跟湯那個香草牛油餅，超好味！蕃茄湯也幾好，不過不失。加$20要了個炸魚手指，這個好好味，脆漿夠胞，魚肉又滑又juice！主菜黎啦！8安士牛排一D都唔細塊，熟剛好七成，肉質唔錯，又有炭燒味。迷你漢堡我叫了牛和雞，牛肉有芝士非常濃味，“正”！雞呢~就夾生菜青瓜，比較淡味，唔係我杯茶。到chocolate tall cake喇！唔使講啦！一睇就知好吸引啦！一大塊朱古力蛋糕濃郁朱古力味，加上兩個雪糕球。只可以用“嘩”“嘩”“嘩”黎形容呀！因為有會員咭，午餐有八五折優惠。