發興茶檔 (已結業)

上次食了閉門羹後，今次在本年入夏最熱的日子來。 雖然幾座大大風扇，但仍無減蒸籠感覺，立即要杯凍奶茶來降溫。鍾意食包頭的我，只是為了想試「正宗新野」，有鮮牛油、果醬及花生醬等混醬，烘得非常之脆，如果再厚少少就更加好。 聽說豬扒出名，再叫一個馬來豬扒通粉，豬扒肉質算幾鬆化，但不夠入味，不及炳記做得好，我反宜欣賞通粉很彈牙，湯底有淡淡的沙爹香。還未夠飽再追加一份蛋治，原來麵包幾厚身，又夠鬆軟，饀料雖是薄薄的炒蛋，但入口仍有濕潤的蛋汁流出來。食完後真是汗流浹背。