楓 (已結業)

旺角鬧市中商場巷仔入面有間日式餐廳，被門口貼住的雪糕宣傳單張吸引住，所以入咗去啦！🌟章魚大阪燒厚厚麵漿上佈滿木魚絲及沙律醬，入口食到粒粒章魚，唔講真係好似食緊章魚燒啊。🌟香煎大蝦蕃茄湯烏冬先講講茄湯，湯底夠濃郁，烏冬煙韌感剛剛好又夠晒滑捋捋。香煎大蝦好大隻，外殼煎到焦香。🌟原味乳酸及🌟葡萄乳酸兩杯野飲都酸酸甜甜，好解渴🌟刨冰刨冰質感起沙口感不錯，上面有一些忌廉但因要了伯爵茶味，茶味香濃令整體不膩🌟乳酪雪糕乳酪雪糕真心好食，配料揀咗抹茶餅乾碎碎、麻糬、布朗尼及Homemade 小山園抹茶醬，抹茶粉香味十足