鳴門魚湯麵亭 (已結業)

今晚我們去咗何文田勝利道嘅「鳴門魚湯麵亭」食晚飯！我們叫咗牛肉拉麵、溫泉玉子冷稻庭烏冬、蒲燒鰻魚飯同石鍋鮮茄牛肉讚岐烏冬！牛肉拉麵嘅牛肉肉質好嫩滑，豬骨湯底嘅味道好濃郁，拉麵嘅麵質好爽口彈牙！溫泉玉子冷稻庭烏冬嘅溫泉玉子係用塊紫菜包住，一啖放入口，感覺好冰涼舒服，冷稻庭烏冬嘅麵質好爽滑彈牙！蒲燒鰻魚飯嘅鰻魚肉質都幾嫩滑彈牙，米飯唔算好軟熟，同埋份量亦比較少！石鍋鮮茄牛肉讚岐烏冬係用燒熱咗嘅石鍋載盛上碟，可以一直保持住湯嘅熱度，鮮茄湯底嘅味道好鮮甜香濃，牛肉嘅肉質好鮮嫩，烏冬嘅麵質好軟滑彈牙！