八沢 (筲箕灣東大街)

營業中

休息中

今晚係東大街覓食，食多次之前食過一次覺得幾好食既烏冬。今次食同上次唔同既烏冬，揀左廣島蠔肉碎烏冬同清酒雞肉竹笙烏冬。廣島蠔有四粒，每粒都大大粒，鮮甜肥美，有少量肉碎同海帶。烏冬彈牙，只係嫌個湯底好鹹。清酒雞肉竹笙烏冬好藥膳好補身既感覺，佢除左雞肉大大舊又嫩滑，另外仲有爽口既竹笙，好養生既龍眼，紅棗，蟲草花，蛙蛙菜。湯底幾好飲，好有屋企煲湯既感覺。不過我比較鍾意上次食既黑松露忌廉烏冬同芥末果醋帶子冷烏冬。