影片
更多
2018-01-03
35 瀏覽
收工後同老公睇下燈飾，
之後坐船過紅磡，遊下維港，順道去開咗無耐嘅「九號水產」八卦下，原來入面係好似food court mix 海鮮檔咁。呢間店門口擺咗個蛋糕櫃，
裡面嘅抹茶卷勁吸引，我就拉咗老公入去。
有個職員姨姨走嚟招呼我地，
但又唔係講「21314」，聽真D原來真係同我地講日文，
咁我地當然唔識回應，淨係識笑同點頭，
之後姨姨再用「非日式英語」介紹食物，
雖然我地都只係明白七八成，但係姨姨嘅態度真係令人覺得好舒服，
佢唔會淨係介紹最貴嘅嘢，而真係會同你傾下計，
了解下你嘅口味之後比空間你慢慢諗，呢種心態上嘅舒服已經令我覺得D嘢都好食D。
老公喺白鰻魚餐同埋「迷你三寶鰻魚飯、吞拿魚飯同烏冬」之間掙扎，
最後都係揀咗白鰻魚，佢話因為真係見識少未試過。老公話白鰻魚嘅口感，係白鱔溝鰻魚，
外邊似鰻魚咁淋，中間就似白鱔咁爽口，至於味道，就咁食或者點少少海鹽已經好味，而點返平時嘅鰻魚醬，就好似食返平時D鰻魚飯咁。呢個set有沙律，有飯，有烏冬，有紅茶，仲有甜品，真係好豐富! 我就叫咗個牛肉烏冬，因為烏冬係侍應姐姐介紹嘅，
話絕大部份客人食過都讚，同埋食咗對皮膚好D。
唔理佢有無功效，最緊要
呢間店門口擺咗個蛋糕櫃， 裡面嘅抹茶卷勁吸引，我就拉咗老公入去。
有個職員姨姨走嚟招呼我地， 但又唔係講「21314」，聽真D原來真係同我地講日文， 咁我地當然唔識回應，淨係識笑同點頭， 之後姨姨再用「非日式英語」介紹食物， 雖然我地都只係明白七八成，但係姨姨嘅態度真係令人覺得好舒服， 佢唔會淨係介紹最貴嘅嘢，而真係會同你傾下計， 了解下你嘅口味之後比空間你慢慢諗，呢種心態上嘅舒服已經令我覺得D嘢都好食D。
老公喺白鰻魚餐同埋「迷你三寶鰻魚飯、吞拿魚飯同烏冬」之間掙扎， 最後都係揀咗白鰻魚，佢話因為真係見識少未試過。
老公話白鰻魚嘅口感，係白鱔溝鰻魚， 外邊似鰻魚咁淋，中間就似白鱔咁爽口，至於味道，就咁食或者點少少海鹽已經好味，而點返平時嘅鰻魚醬，就好似食返平時D鰻魚飯咁。
呢個set有沙律，有飯，有烏冬，有紅茶，仲有甜品，真係好豐富!
我就叫咗個牛肉烏冬，因為烏冬係侍應姐姐介紹嘅， 話絕大部份客人食過都讚，同埋食咗對皮膚好D。 唔理佢有無功效，最緊要咩都試下。 烏冬真係好彈牙，真係食落有種海澡味，唔濟口，感覺有啲似食蒟蒻咁，幾健康，配埋味噌湯好易入口， 牛肉亦食得出好新鮮。
話晒慶祝聖誕，當然要試埋小食同叫多個甜品，小食係我鐘意嘅雞軟骨豚肉炸餃子，第一啖咬落去，我已經諗：慘，乜淋嘅？點知食真D，原來佢係中間淋，兩邊係好脆嘅。
因為平時食炸餃，一係就放咗好耐淋咗，一係就炸太多脆過龍，所以食完淋又有返脆口感覺，即刻開心返。
甜品有跟餐嘅抹茶卷，我好鐘意食，因為佢唔會苦澀， 而係淡淡抹茶香味加少少甜度， 不過我老公就鐘意苦味抹茶多D，真係各有所好，所以比我食咗八成。
另外仲叫咗個日本草莓班戟，職員姐姐仲紹話草莓醬係用真草莓打出嚟， 唔係普通糖漿，同埋班戟係厚實嘅。
最後出嚟，姐姐無呃我地，草莓醬食得出好新鮮，最重要係班戟真係好厚實，老公最憎食好似梳乎里嗰D口感，似食空氣，但今次嘅班戟真係好飽滿，微溫的班戟夾住凍冰冰雪糕，再配上微酸的草莓醬，真係好正呀！怕雪糕太凍，班戟仲可以夾布甸，好滑呢。味道好味之餘，個甜品賣相擺得好靚，啱晒用黎打卡呃like。
其實個Waffle我都好想試... 早知就叫少個小食，留肚全力進攻甜品。下次一定要試!
環境:
應該係新店，裝修新正光猛，設計簡潔，似西餐廳多過日式飯店。店內都幾多枱，方方正正，4人枱為主，多人都可以拍埋一齊坐。
服務:
整體服務係殷勤親切既，特別係日本職員姨姨，待客熱情細心但又唔催迫，不時加水，自動提供小碗及筷，唔駛等我望住老公食自己無得食。其他職員都很友善，上菜下單收碟都保持徵笑，似日本人的待客之道 - 認真、謙恭，很讚!
張貼
