樂園魚旦專家 (迎海薈)

營業中

休息中

烏溪沙嘅餐廳唔多，最近開左間新餐廳，終是決定去試下。雖然係新開，但午市已經多食客，但餐廳都大，好多位，所以都唔需要坐得迫。環境唔錯，餐廳可望到屋苑嘅綠化地帶，感覺舒適。餐牌可見大量選擇，亦可自由加配小食&飲品，粉麵類有魚蛋、肉丸、豬手、餃子等等，煲仔麵就以牛類為主。揀左崩沙牛腩煲仔麵&樂園四寶丸幼麵，飲品就照舊凍檸茶少甜。飲品正常水準，四寶丸包括魚蛋、魚糕、肉丸，魚皮餃，魚蛋魚糕彈牙，有口感，幼麵夠爽，有嚼勁，湯底清甜，亦可加辣醬調味。崩沙牛腩煲仔麵上台時夠熱，d汁仲滾緊，配上蔥花係面，賣相吸引。鍋嘅溫度控制得好，食到最好一啖都仲熱，麵底係爽公仔麵，唔會太軟。牛腩嘅肉質鮮嫩多汁，有濃郁嘅肉香，調味恰到好處，唔會太鹹亦唔會太淡。