SOLO UDON ソロうどん (已結業)

一直都冇留意登龍街勁多嘢食，今日呢就比一間新開嘅烏龍店，吸引咗入去。裝修簡潔，好似啲拉麵店咁 全自助點餐模式。人流都唔少。都坐得幾舒服啱大家傾吓計！烏龍口味都好特別 雞白湯叉燒中華風擔擔麵口味、安格斯牛壽喜燒、咖喱吉列豬扒。我叫咗雞白湯叉燒同壽喜燒口味，雞白湯口味會比較清淡，叉燒都好大塊，啱晒我呢啲清淡人士。 安格斯壽喜燒都足料，就會比較鍾意濃味啲人士。 除咗面食，仲有好多小食甜品，我哋叫咗罐罐綠茶蛋糕同埋草莓牛乳蛋糕，甜度都適中，口感軟滑。