澳門台山水佬榮火鍋專家 (已結業)

又烚下烚下！今日黎到澳門台山水佬榮打邊爐，聽聞呢度既航母海鮮盛宴唔錯，今日終於食到！ 呢個海鮮盛宴只需$238/位，火鍋內有八款時令海鮮，四款疏菜，仲可以自選五款配料！真係幾抵！不過仲要加$18醬油費同加一！最重要係，呢個餐係唔包野飲架！打邊爐又點可以冇野飲呢，結果埋單都要三百幾蚊！講返呢個航母，確實係幾多料既！海鮮同配料都好新鮮，湯底亦都唔錯！蟹夠鮮味多膏青口肉質creamy海蝦肉質爽口鮮甜鮑魚夠厚身貝殼類有沙番茄🍅同菜吸晒啲湯又淋又好味自選安格斯特級肥牛，紋路靚，牛味重雞件新鮮而且肉質幾滑湯底叫左微辣，辣辣地幾惹味！不過越煮會煮辣，唔食得辣既朋友要考慮叫不辣總括黎講，呢個航母海鮮盛宴確實唔錯！下次可以再黎