烤吧 (已結業)

同個fd係九龍灣行到攰攰地，諗住揾間野入去解決個晚餐，見呢間個環境幾好又無咩人就同個fd入左去。首先入到去啲侍應帶我哋坐低俾埋餐牌後就企開左一邊，等我哋舉手佢哋先行過黎，唔使俾人望住揀野可以慢慢睇下個餐牌，我哋兩個人叫左五樣野食。首先講下個頭盤-芝士蕃茄羅勒沙律，芝士同蕃茄嘅配搭得岩岩好，啲芝士好香同好滑襯埋酸酸地嘅蕃茄唔會流，好開胃。跟住係烤肉串(牛、羊、豬、雞)，佢哋肉串都真係幾好味，烤得岩岩好，咬落都幾juicy唔會太乾，我就鍾意雞肉多啲，好滑，同難得嘅係個羊串一啲都唔蘇。特色燒烤拼盤，我哋揀左烤龍蝦，粟米同菠蘿，個龍蝦好多肉，咬落彈牙，而且可以食到龍蝦本身嘅甜味，本人幾中意，而菠蘿好多汁同幾甜，中途食仲可以fresh下炭燒美國肉眼扒，塊扒好大塊，適合share食，啖啖肉唔鞋，炭燒出尼既肉味香好多～以塊扒質素尼講價錢唔算貴。而且有好多薯菜，普通女仔食單一份應該都已經有少少飽(不過我同我個frd都食量驚人)。最後，甜品就嗌左檸檬批黎試下，本人覺得個檸檬批就麻麻地，太酸，鍾意檸檬味既朋友或者會好喜歡。