汀汀烤活魚 (已結業)

今日涷涷地，忽然間好想同朋友食烤魚暖下身黎到旺角呢間樓上舖，入到去環境唔會好迫，最岩幾個朋友一齊嚟，老闆哇入面仲有間大大party Room，坐到10幾個人，最岩一邊唱K睇波，一邊烚吓烚吓🤗🤗招牌烤江團魚鍋我哋叫咗酸菜味，因為朋友唔食得辣，條魚份量十足，而且唔多　骨，啖啖肉，鍋入面仲有不同配料，有豆卜，豬皮，大豆芽，萵筍，同好多好多酸瓜酸菜，同條魚好夾，食到舔舔脷😋另外我哋仲加咗鴨血，紅薯粉，竹笙，自家製雲吞同魚皮餃，全部都好好味，雲吞又彈牙，食到捧住個肚除咗打邊爐，仲叫左個小食鬼馬墨魚膠油炸鬼配上墨魚膠炸出嚟熱辣辣，配埋旁邊嘅甜酸醬，脆得來又彈牙，真係好鬼馬😋😋😋