勝記酒家 (已結業)

今晚去了位於灣仔杜老誌道的勝記酒家，前身是兜記的勝記，保留先前的名氣菜烤乳豬，不知道味道是否能與兜記齊名呢？可能是跑馬關係，阿叔去哂賭錢，晚市人流不算多，約有半滿。茶芥$13/位，價錢比外面平。晚市有套餐，亦有散叫。烤乳豬做特價，半隻都是$198，份量十足，有最少十件，烤豬外皮烤得香脆，中間的豬油脂並不算太厚，還有少許嫩腍乳豬肉，最底層就是乳豬的薄骨，外脆內軟，充滿著豬肉的乳香，一點也沒有平時吃大豬的騷味，非常好味，是必點之一。先點了一個餐前小食椒鹽豆腐，豆腐表面炸成金黃色，外脆內軟，豆腐軟滑，帶點椒鹽的咸味，是一個不錯的小吃。XO醬韮菜花炒豬肚絲，平時在外面都唔見有，幾有創意而且堅好味，韮菜花爽嫩，豬肚切成大條，又爽又腍，一脆一腍的口感，而且帶點XO醬的咸鮮味，送飯一流。蝦醬金沙骨，外面沒有見過的菜式，感覺新穎，金炒骨炸得香脆，肉質軟腍，帶有蝦醬啖啖的咸鮮味，而且味道剛好，不會過咸，幾有特色的一味餸。最後因為無糖水，所以送上桂花糕，桂花糕裏面有杞子紅棗等，甜度適中，非常清甜。總括而言，烤豬味道一流，是必點之一，其他菜式很創新，味道中上，價錢中等，放工可以約埋同事一齊開飯。