馬場洞烤肉專門店 (新城市廣場三期) (已結業)

新城市入面餐廳雖然都唔少，但係大多都係連鎖餐廳，有特色嘅唔算多，今次揀左呢間韓式烤肉店，午市時間其實食烤肉嘅人唔多，絕大部份嘅客人都係食緊韓式嘅set lunch ，但係見佢個烤肉套餐都幾吸引，所以都係決定食烤肉。 「2人精選套餐」揀左牛肉套餐，包括一塊 菲力牛排 、特級霜降牛肉、封門柳同埋一份 韓式生伴生肉，伴碟仲有啲菇同菠蘿咁， 份量都好夠，同佢地啲肉都幾靚， 所以計落亦都唔算太貴三款牛都好好食， 特別係個Filet Mignon 真係唔錯，成舊放落去 唔好用最大火 慢慢每邊煎佢，最後先剪開佢，肉質好好又好juicy。 記得配埋佢枱面果啲鹽，Maldon salt配烤肉係真係無得輸個生牛肉同平時果啲唔同，佢係落芝士粉，係一種類似blue cheese 嘅芝士，所以佢係無乜平時生牛肉嘅油香、甜香同果香， 夾唔夾就真係見人見智，我就覺得可以嘅，幾特別但係另一方面某啲店員嘅服務態度就真係有待改善，其中一位喺我地落單之後我問佢攞多一次餐牌睇下有冇其他野食，但係佢唔知點解係對於我呢個要求係極度反感同極不情願，仲反左一上白眼。 另外一位應該係管理級嘅店員，成無停過咁喺floor 度用非常高