The Hwaduk (已結業)

愈來愈多韓式炸雞店開左，今次揀左呢間主打烤雞既樓上餐廳，餐廳由韓國人開，呢度既烤雞係用意大利火山岩石做，話烤出黎會皮脆肉嫩d, 同埋無炸咁肥膩。飲品選擇都幾多，連sangria都有，於是要左1 jug細既non-alcohol sangria, 一份蒜香烤雞同一個什錦魚蛋湯。呢隻無酒精既sangria味道係有汽提子汁，凍冰冰都幾好飲。烤雞好香呀！一上枱已經聞到，雖然叫蒜香烤雞，但都有好多汁，有蜜糖o係面，甜甜地好好味，肉質係嫩既，不過蒜味唔係好出，旁邊仲有好多沙律菜，感覺無咁滯，唯一缺點係烤雞唔係熱辣辣，只係微暖。之後既魚蛋湯都幾有驚喜，入面有幾隻青口，魚蛋有幾款，食落幾彈牙，個湯幾清好暖胃。整體今餐都好滿意，以後想食雞又多一個選擇。