八一蕃巴蜀烤魚店 (砵蘭街) (已結業)

兩條烤魚是預先烤過, 再配以麻辣湯底及各種配菜上碟，大量的蔥段、芫茜、辣椒、金針菇為烤魚帶黎唔少色彩! 未上台已經香氣撲鼻! 等湯底再稍為滾一滾,烤魚就食得, 雖然魚經湯底浸過，但魚皮都尚算脆的, 食得出烤既時候有落過唔少惹味的調味粉，魚肉口感嫩滑不鬆散。湯底麻辣惹味, 烤魚唔太多骨,整體外脆內嫩而火辣惹味! 辣度適中不過火, 成枱人都岩食。另外叫左個養生鍋醉雞煲, 湯底同醉雞分開上碟, 雞件浸住米酒, 食用時隨個人口味酌量將米酒倒入湯底，酒香味隨意調較,。至於湯底，濃郁有陣陣藥材味，配料有冬蟲草、雞脾菇。未食雞之前仲可以舀碗湯飲下, 感覺幾滋補架! 除左因為湯底靚濃郁，雞件夠入味，雞件亦夠新鮮有雞味! 值得加分!