小魚兒 (金馬大廈)

營業中

休息中

其實唔係好常食烤魚，就算北上都多數去食酸菜魚，今次食下烤魚先 ① 鳳梨香辣豆花江團魚 $348+18江團魚是餐牌中第二便宜的魚，肉質肥美嫩滑。烤魚加鳳梨好似幾新奇，食落又幾夾，鮮甜鳳梨中和麻辣感，不過其實本身揀BB辣都唔係好重味。其他食材有青瓜，豆花，寬粉等② 鴨血 $68③ 牛丸拼香菇貢丸 $68④ 炸午餐肉粒 $68⑤ 圓薯粉 $28食完條魚就加湯以及其他食材，炸午餐肉粒好大籃，新鮮炸起外脆內軟，直接食又得，放入鍋再烚又得，正！兩款丸都好結實彈牙，鴨血就實左少少。因為本身寬粉唔算多，加多個薯粉，掛湯惹味，好滿足。⑥ 燒牛舌心串 $38餐牌上有唔少串燒選擇，不過淨係烤魚都夠食，所以淨係叫左串牛舌心，幾厚切，有少少咬口但肉質唔算韌，好食。