炭魚 (已結業)

呢度烤魚嘅話有分兩種，上次試咗桂花魚($338)，咁今次就試吓清江魚($268)，一樣寫住少骨，仲平d添。魚可以揀味道，我就揀左招牌香辣味，寫住係兩個辣椒。order烤魚嘅時候佢會問埋你要d咩配菜，因為d配菜會同條魚一齊上，唔係好似平時食雞煲或打邊爐咁分開上。配菜我叫左萵筍，上海年糕，豆腐卜同埋薯粉。烤魚係用一個鐵嘅長方形盤裝住，有d"湯"，下面用左炭火。d配菜已經係個盤入面。聞落唔多香辣，食落都唔算辣。魚上面嘅脆脆要快d食，否則掂到湯就變軟。由於所有配菜係一早同一時間放晒落去，所以過咗一陣d萵筍就一齊變軟，我地要即刻摩打口咁食晒所有萵筍。薯粉放左係魚嘅下面，好容易痴底，所以最好一早將佢撥去側邊。由於配菜都係一d好普通嘅嘢，所以都冇乜特別，唯一我覺得比較特別嘅係上海年糕，因為佢吸左d湯味，唔錯。