路邊煱 (已結業)

打邊爐最緊要係咩？就係個湯底！估唔到烤魚煲做邊爐湯底都好好食😋😋😋個煲材料有雜菇🍄、烤魚、蕃茄🍅所以食落時會覺得酸酸地，到喉嚨就開始辣辣地，雙重口感😻🐟條魚好大條，經過烤制先放入個湯度煲，既保持魚既鮮味，亦吸收哂湯既精華😋好入味，完全吾洗再加其他醬汁朋友太耐冇食炸魷魚，就叫左碟黎試試魷魚係即叫即炸，卜卜脆，咸味岩岩好，而且唔會太油，配埋個甜酸醬汁，兩樣加埋配合起黎非常之夾！另外仲叫左碟紫菜脆響鈴，同樣地都係即場炸起，熱辣辣之餘仲好脆口同出邊食開既響鈴唔同，炸響鈴中間有塊紫菜，都係第一次食，但食完真係返唔到轉頭，放入湯幾秒就將成個湯既精華吸哂，超入味打邊爐最鍾意就係有爽口既配料，牛栢葉係我必嗌既食物之一呢度有唔係成日見到既黑栢葉👀本身就中意黑栢葉多過白色既牛栢葉，覺得會新鮮d (白色好似漂過黎 -，-||| )而呢間既黑栢葉都好新鮮，洗得好乾淨，唔會有怪味，絕對放心食用👍🏽PS. 店內環境非常企理同乾淨，冷氣充足，吾會食到成身汗，最緊要最緊要吾會有陣邊爐味！而且餐廳好貼心，係門口安排左櫈，就算等位或者等人都可以坐住得等，吾洗罰企