影片
更多
2022-08-11
53 瀏覽
💰派咗消費券，又係時候食好啲！雖然我只係食最平嘅$298套餐，但質素仍然好高！🪑環境乾淨明亮、企理，唔嘈，適合歡聚傾偈。💁♀️服務超好，有禮貌，講嘢仲幾溫柔，係咪特別培訓過？😂餐廳有分頭盤同火鍋，頭盤可以選擇烤魚、雞煲、卜卜蜆、酸菜魚等，我揀嘅麻辣烤魚（BB辣）。🐟麻辣烤魚非常惹味香口，BB辣又真係唔太辣，加州爐魚肉唔會煮得好爛，煮得耐都好完整，配菜仲有非常鮮甜嘅萵筍＋娃娃菜＋吸汁豆卜，正啊。🥘火鍋湯底揀咗「椰青香茅青檸湯」，好有冬蔭公酸甜開胃Feel，不過唔辣嘅，充滿椰香＋青檸味，可以解膩，朋友讚咗呢個湯底兩次，大推！每枱會按選擇嘅套餐送一個牛肉拼盤。🥩牛肉拼盤其實全部牛肉都好食，有牛味，唔會得個樣，就算係最普通嘅肥牛都食到牛油香，牛白肉好爽，牛板腱比較瘦有咬口。🍤蟹籽蝦滑鍾意食蝦的話強烈推薦，好有蝦味，仲唔洗剝殼😂🦐海蝦大隻，新鮮爽脆。🐠脘魚片好滑，有淡淡嘅魚味。🦑自取小食款式不算多但高質！我食咗豆腐、青瓜、炸菇、麻辣鴨血、豬頸肉都好食，唔似某啲火鍋放題求其放啲食物hea你。🍧甜品最得意係有棉花糖機，職員仲識整唔同花款，勁！🍦雪糕有蜜瓜、芒果、雲尼拿味，仲有DIY 材料可以加紅豆、
🪑環境
乾淨明亮、企理，唔嘈，適合歡聚傾偈。
💁♀️服務
超好，有禮貌，講嘢仲幾溫柔，係咪特別培訓過？😂
餐廳有分頭盤同火鍋，頭盤可以選擇烤魚、雞煲、卜卜蜆、酸菜魚等，我揀嘅麻辣烤魚（BB辣）。
🐟麻辣烤魚
非常惹味香口，BB辣又真係唔太辣，加州爐魚肉唔會煮得好爛，煮得耐都好完整，配菜仲有非常鮮甜嘅萵筍＋娃娃菜＋吸汁豆卜，正啊。
🥘火鍋湯底揀咗「椰青香茅青檸湯」，好有冬蔭公酸甜開胃Feel，不過唔辣嘅，充滿椰香＋青檸味，可以解膩，朋友讚咗呢個湯底兩次，大推！
每枱會按選擇嘅套餐送一個牛肉拼盤。
🥩牛肉拼盤
其實全部牛肉都好食，有牛味，唔會得個樣，就算係最普通嘅肥牛都食到牛油香，牛白肉好爽，牛板腱比較瘦有咬口。
🍤蟹籽蝦滑
鍾意食蝦的話強烈推薦，好有蝦味，仲唔洗剝殼😂
🦐海蝦
大隻，新鮮爽脆。
🐠脘魚片
好滑，有淡淡嘅魚味。
🦑自取小食
款式不算多但高質！我食咗豆腐、青瓜、炸菇、麻辣鴨血、豬頸肉都好食，唔似某啲火鍋放題求其放啲食物hea你。
🍧甜品
最得意係有棉花糖機，職員仲識整唔同花款，勁！
🍦雪糕
有蜜瓜、芒果、雲尼拿味，仲有DIY 材料可以加紅豆、仙草、芋園、椰果等等，好開心。
整體嚟講好滿意，性價比高，120分鐘都足夠，適合相約三五知己聚會。
📍 人和月雞煲火鍋店 (尖沙咀)
尖沙咀海防道38-40號中達大廈3樓
張貼
