源味開元米線 (已結業)

朋友話長沙灣有間烤魚新開張，趁住早收工當然要約埋試一試～🥢酸菜蒜香烤鱸魚$268🥢滷水牛肚$28🥢手工寬粉$20🥢自選4款配菜$59先上嘅係滷水牛肚，牛肚切薄片滷得好入味，食得辣點埋紅辣粉就更加正。烤魚我地就簡左海鱸魚，魚係即劏即烤即煮，魚皮烤得勁香脆，魚肉亦好鮮好嫩滑，一啲腥味都無，加埋酸菜、生蒜、炸蒜等配料惹味得黎又好開胃，辣度就簡左微辣，由於煮法係比較正宗，微辣嘅辣度已經好夠辣，當然食得辣嘅朋友可以挑戰其他辣度應該會更過癮，而呢度可以加$59簡4款配菜，比較特別嘅係年糕，煮完嘅軟糯口感幾有趣，蟹柳、金菇同腐皮雖然唔係咩頂級食材，但放落去煮吸收晒精華都一樣好滋味😋另外店員推薦嘅手工寬粉亦值得一試，口感Q彈亦十分索汁。