巴辣仔烤魚雞煲 (翠怡花園)

營業中

休息中

巴辣仔烤魚雞煲喺多區都有分店，一直都係抵食之選。大埔分店座落於翠怡花園，算係大埔嘅其中一條「食街」，附近地舖滿佈各式美食。 烤魚同雞煲之間，今次揀左巴辣鮮雞煲。 🍗雞煲炒香之後上枱，埋黎嘅時候煲上面冒住一陣煙咁樣，麻香味濃，頂唔順嘅朋友可能會覺得刺鼻。配料款式唔算多，但係味道唔錯。 🍲食完雞煲就進入火鍋部份。由於唔係任食嘅關係，火鍋配料都幾大碟，但係兩個人食就叫唔到太多野喇。我地叫左鵝腸、鮮牛、萵荀同埋油麥菜。 🍹值得一提呢度嘅大大杯飲品，即係大大杯凍檸茶、大大杯龍鳳可樂之類真係好大杯，應該差唔多有500ml（？）。 除非閣下係大胃王啦，否則建議都係3-4人或以上入座，可以食多啲唔同款嘅野開心啲。