Seafood ghost (已結業)

有三款魚五款口味可以揀，分別有海鱸魚、江團魚、珍珠鱲魚。今次揀左蒜香醬燒烤江團魚，肉質肥美，魚油香，豐富骨膠原，魚好滑好鮮，好少骨，一條魚兩個人啱啱好，配料豐富有士豆片、蓮藕片、萵筍片、木耳，愈煮愈入味。烤魚可以加其他配料，我加左萵筍片、打邊爐必備的薯粉，掛滿湯汁，手工四寶丸(墨魚丸、蝦丸、鯪魚肉、墨汁墨魚丸)，粒粒爽口彈牙，一次過滿足我可以試多種口味。頂級安格斯(小)牛肉色澤鮮艷，牛肪分布平均，入口軟腍嫰滑，份量比想像中多。叫左百香果乳酸同蜜桃乳酸非常解渴。