小魚兒 (寶漢大廈) (已結業)

小魚兒 地址：銅鑼灣波斯富街24-30號寶漢大廈1樓在香港要食烤魚，有好多選擇的！不一定要北上呀，我北上時間過關，一程已要兩個鐘，香港呢間在銅鑼灣的烤魚店，岩曬我除了烤魚仲有多款口味雞煲，加配料再打邊爐，兩重享受。因友人唔識吐（挑魚骨）所以安排了$278 鮑魚雞煲。加配料蔬菜，成就這次雞煲加打邊爐之旅。醬香濃，用好多蔥蒜加油爆香，而鮑魚口感唔錯。雞有半隻，兩個人食剛剛好的份量，所以也不需要額外加肉類食材。食完加湯繼續打邊爐，滾下菜食。點了芽菜同油麥菜，芽菜水份多，可以中和口腔中的麻與辣。叫左串燒鷯春蛋，食住等。另外豬血當然不可錯過，用來索取醬汁的精華，豬紅好滑，配上重味無得輸。