影片
更多
2009-08-08
26 瀏覽
今日俾老豆叫左出去食晚飯, 佢提議黎呢度食, 我同哥哥原本對呢間野麻麻地, 因之前黎食過(講緊前身係姑媽茶餐廳時), 不過見佢老人家咁興致勃勃要介紹"好野"俾我地, 就順佢意去食啦...去到未到7:00pm, 仲有位, 不過都幾full吓, 多卡位幾舒服, 又有電視睇, 我地三人叫左三款小菜:1) 椒絲腐乳唐生菜 2) 枝竹牛腩煲3) 燒味雙拼例牌(叉燒+油雞)另+$8配白飯及例湯/飲品菜同腐乳係一齊炒, 唔係就咁淋汁上面, 炒得岩岩好, 菜好爽, 個汁又唔會一pat pat,好食牛腩煲好濃味, 有冬瓜枝竹同牛腩, 牛腩炆得夠焾, 又四正, 唔會有太多不必要既肥膏同筋位, 只係略為咸左dd, 黎lunch會試吓叫佢個咖哩牛腩, 老豆推介燒味份量夠4-6人食, d叉燒好好食, 中間有d似食緊豬頸肉, 邊邊有少少肥, 食落甘香唔膩, 油雞唔係我"飛彿'不過唔錯幾滑, 我中意食切雞多d, 佢地個招牌"咪走雞"我未試過, 有機會都會試吓, 整體好過附近"太興", 又貴又"蚊"型size, 對比呢度好味好多, 見隔離枱個腩肉好靚仔咁, 下次會叫叉燒+腩肉例湯:
今日俾老豆叫左出去食晚飯, 佢提議黎呢度食, 我同哥哥原本對呢間野麻麻地, 因之前黎食過(講緊前身係姑媽茶餐廳時), 不過見佢老人家咁興致勃勃要介紹"好野"俾我地, 就順佢意去食啦...
去到未到7:00pm, 仲有位, 不過都幾full吓, 多卡位幾舒服, 又有電視睇, 我地三人叫左三款小菜:
1) 椒絲腐乳唐生菜
2) 枝竹牛腩煲
3) 燒味雙拼例牌(叉燒+油雞)
另+$8配白飯及例湯/飲品
菜同腐乳係一齊炒, 唔係就咁淋汁上面, 炒得岩岩好, 菜好爽, 個汁又唔會一pat pat,好食
牛腩煲好濃味, 有冬瓜枝竹同牛腩, 牛腩炆得夠焾, 又四正, 唔會有太多不必要既肥膏同筋位, 只係略為咸左dd, 黎lunch會試吓叫佢個咖哩牛腩, 老豆推介
燒味份量夠4-6人食, d叉燒好好食, 中間有d似食緊豬頸肉, 邊邊有少少肥, 食落甘香唔膩, 油雞唔係我"飛彿'不過唔錯幾滑, 我中意食切雞多d, 佢地個招牌"咪走雞"我未試過, 有機會都會試吓, 整體好過附近"太興", 又貴又"蚊"型size, 對比呢度好味好多, 見隔離枱個腩肉好靚仔咁, 下次會叫叉燒+腩肉
例湯: 節瓜紅蘿蔔煲唐排, 幾好飲, 不過味精一定走唔甩, 有口乾現象
總括黎講食物水準幾好, 侍應有禮貌, 又唔趕客, 估唔到"姑媽"走左會帶來左d新氣象, 我會黎多d
張貼