一樂燒臘飯店 (已結業)

大人知道我喜歡食燒味，指點左我叫我試下呢度d燒味。話說呢日夜晚8點幾，經過呢間餐廳，望到掛在櫃窗的燒味個樣都仲幾新鮮甘，就不如呢樹食dinner吧！星期一晚又呢個時間，加埋最近個外圍環境，呢輪好多餐廳都唔會好多人，餐廳大約6成滿，待應靚姐叫我地隨便坐，甘我地就搵左個卡位坐。睇餐牌研究左一陣，十五十六食唔食燒鵝髀飯好，最後都係決定食個雙拼試一試虛實先。「(雙拼) 叉燒, 燒鵝飯」: 有好多舊叉燒，4件燒鵝，飯唔算好熱但okay，因為燒味有微溫而唔係凍(之前食親「太興」d燒味都係凍)所以覺得可以接受。飯的豉油唔太多，個人比較buy甘樣，因太多豉油會好咸同over。蜜汁叉燒瘦肥相宜，豐腴有油脂香，唔柴皮不過亦唔係肥叉，幾對胃口。燒飯雖然得4件，都尚算有肉，鵝肉肌理分別，咬落有嚼勁，外層深磚紅色鵝皮香酥而薄，透白油膏夾在鵝皮及鵝肉之間，在鵝皮沾上酸梅醬可去油膩感。55蚊的雙拼飯(不包飲品)，個人認為okay。「(雙拼) 叉燒, 切雞飯」:切雞雞皮肥味，算有雞味，肉亦算滑，叉燒同上唔再多講，加埋薑蓉、蔥油一齊食唔，帶出雞肉咸香。食燒味飯，梗係要飲返枝可樂，滿足的一餐。