Green Tech Cafe (已結業)

今次二訪Green Tech Cafe食晚飯，餐牌同午市有少少唔同，不過感覺午市多選擇D。精選濃湯配香草麵包條 ($38)精選濃湯同佢送嘅餐湯一樣，都係羅宋湯。湯嘅味道冇出面飲嘅羅宋湯咁酸，我覺得幾好味，不過份量太少，配料有西芹、番茄、紅蘿蔔... 香草麵包好脆口，但冇咩香草味，沾埋湯一齊食味道就啱啱好。燒烤味雞翼 ($38)原本我哋係叫唔辣嘅燒烤味雞翼，但上菜時嗰樣好似我上次黎食嘅新豬肉水牛城，而且今次入口好酸，可能底下嘅沙律菜落咗太多醋，兼帶少少辣味 (唔知點解佢話係唔辣)，味道較新豬肉水牛城差。雜錦天婦羅配壽喜燒湯烏冬 ($88)上菜時已聞到好香海帶味。天婦羅炸得唔錯，脆口得黎唔油膩。如果天婦羅表面撒少少淮鹽會更好食。