YAKINIKU KAKURA (Tower 535)

營業中

休息中

突然好想食日式燒肉，今次相約朋友去銅鑼灣高質燒肉餐廳，地點方便環境舒適。大判燒黑毛和牛西冷店員見我地無從入手，都好主動幫我地燒。和牛油脂豐富，輕輕一燒已經食得，切得大塊薄身食落唔會咁油膩，加埋生雞蛋口應更滑。和牛他他新鮮肉味濃，牛肉嫩滑，配上紫菜、洋蔥、蛋黃，點少少醬油已經好好食。醃鱈魚胃袋係餐牌見到好特別，食落一啲都唔鯹，切到細細粒好咬口。海鮮盛盒有帆立貝，海老，烏賊海鮮份量都好多，足料大大隻，特別係烏賊，燒完一啲都唔韌，仲非常鮮味。生蠔蠔味濃，用牛油煮香味更出。牛舌爽口肉汁豐富，加埋白飯一齊食一流。紫菜飯用上珍珠米，配上牛肉食可以減輕油膩感。