神石燒牛扒水產專門店 (東港城) (已結業)

今日先發現東港城呢度有呢間食燒肉既，裝修行小清新既風格，樓底都幾高，唔怕食到成身油煙味。呢度有自助既沙律吧，全部沙律都好新鮮，蕃茄仔青瓜粒粟米菜絲都有，夠晒清新🥗🥗傳統石燒：極上原條厚切牛舌芯$128🥩🥩原條既牛舌芯真係唔同啲呀，勁厚身，但又唔會鞋，超嫩切開仲係粉嫩色，用石板去燒，唔會燒到太熟，岩岩熟，好嫩，好柔韌，牛味真係好濃，超級好味道！傳統石板都唔駛擔心會燒燒下唔夠熱，之後再叫店員幫手換板就好！追加日式磯燒鮑魚$28🐚🐚鮑魚都幾大隻，燒完都幾香，幾煙韌，磯燒既方法幾鮮甜，味道特別濃，正呀！