神石燒牛扒水產專門店 (東港城) (已結業)

其實呢間嘢都開咗好耐，喺度附近都冇類似嘅石板燒肉，心血來潮想試吓，就入左去入到去煙霧瀰漫，好明顯抽風系統唔夠，好大陣油煙味。環境真係一般般，而且啲枱好油，好似冇抹過咁。自助沙律包，白飯任裝，仲可以食紫菜，仲有個湯可以任飲，湯渣有牛肉粒同洋蔥粒。淨係食呢啲都已經可以好飽⋯咁我就叫咗個餐食，其實性價比幾好，肉方面都唔錯，強烈推薦加錢食牛舌芯。超好味。然後再加多$12有漢堡扒。性價比好好。如果要自己喺出面買牛肉食，一定唔止呢個價錢。其實有好多餐揀我揀咗個澳洲和牛+韓牛+美國牛餐。所有油脂分布都算好，非常有牛味。提提大家，因為呢個係石板燒肉，千祈唔可以放太耐，否則會乾晒。當唔夠熱嘅時候就要叫店員幫手換石板，千祈唔好怕麻煩。Overall嚟講，性價比超高！值得推薦！

呢間以前食落好好食，和牛有好似去到日本食嘅感覺，亦都曾經最鍾意食最平嘅118牛肩胛餐。但係發現質素越食越差，仲有好多令人混淆嘅套餐優惠，寫住有三種牛肉，但係實質上係每塊牛係正價套餐嘅牛三份一都冇。送埋啲冇用既優惠券令人以為免費可以食到一餐，點知係要消費咗一餐先可以免費換一餐。牛肉嘅質素真係靠運氣。

看到OpenRice 說預約座位的話主餐牌有七折優惠，於是我用OpenRice預訂了晚上6:30分3位。去到餐廳，只有一兩枱客，已心知不妙。我們叫了一個正價火鍋和一個七折優惠的鐵板。鐵板上菜時，期望與真實的落差很大。鐵板只有好普通，好細塊的牛扒、豬扒、雞扒、脆皮腸，食完後覺很油膩。質素……我覺得比大家樂還要差。這個鐵板原價170多元，七折之後120多元 ，送自助任食的白飯麵豉湯沙律菜，我覺得性價比很低。我總括來說，我不推薦。

通常自己一個想食燒肉就會黎神石燒，因為佢既座位設計真係一個人黎食都唔怕尷尬，最重要係抵到誇張😂今次我食既係澳洲M7黑毛和牛一人盛（$178），有和牛既唔同部位可以嘗試 全部牛肉都好重牛味亦重油香，雪花分佈好平均好靚😍我仲追加左頂級虎蝦，大大隻都只係加$19 虎蝦肉質爽口彈牙，食得出好新鮮🦐而且佢既沙律吧任食，都係佢最吸引既位之一 飯、湯、同沙律都係任食，沙律既選擇幾豐富，而湯亦都好足料，好濃味，飯仲可以加紫菜，真係一個價錢已經可以食到好飽🥰

今日同朋友去將軍澳神石燒食午餐，真係試到好多好味嘅燒肉！首先要講嘅係夏日限定嘅“檸檬塩糀牛舌及牛五花盛合”。個牛舌好嫩滑，同埋檸檬塩糀嘅酸甜味道真係好開胃！加埋個牛五花，肉質鮮嫩多汁，真係好好味！而且呢個套餐嘅價錢只係$109，真係抵食又夠量！😋🍋🥩仲有週年限定半價嘅“一人火山燒肉盛”，原價$128而家只係$64！呢個套餐有美國牛肉同埋特級牛五花，肉質都好嫩滑，每一口都好多汁。而且佢哋仲有薄切蔥花牛舌，味道鮮美，真係令人回味無窮！個價錢真係超抵食！🌋🥩😍今次神石燒嘅午餐真係好滿足！每一款都有獨特嘅風味同埋嫩滑口感。而且價錢都好實惠，令人好開心！同朋友一齊享受呢個美食之旅，真係好開心又滿足！👧🍽️🎉

食肉獸注意🔈🔈神石燒做緊週年優惠，除咗有半價燒肉盛外，仲有夏日限定品項，快D call埋朋友一齊開餐啦喂～～～～！🔔週年限定半額：一人火山燒肉盛 特價$64食均美國安格斯牛肉&美國特級牛五花&薄切蔥花牛舌，每款肉都有3,4塊，薄切燒兩燒就熟，仲好好味添🕺🏾🔔夏日限定：檸檬塩糀牛舌及牛五花盛合係新品，檸檬酸酸地中和牛舌牛五花嘅油膩，夏天食一流☀️🔔傳統石燒：神石美國PRIME牛扒夠頂級，肉汁鎖緊表面燒得焦香🔥🔔半額追加：豬舌串一串，都只係$12一串，熱辣辣好爽口，好味串燒食多幾串💃🏻

今日放假決定食燒肉獎勵下自己，就決定黎神石燒食佢既60分鐘放題❕$139可叫9款肉，包括CAB 黑安格斯牛肩胛扒、澳洲穀飼100日牛、美國黑豚舌芯、美國天然無激素雞扒、牛五花、豚五花、牛舌、安格斯漢堡排❕雖然好多肉類既名都唔知有咩特別，簡單黎講就係可以食到好多種唔同口感、味道、油脂分布既肉肉❕我最鍾意就係佢既牛肩胛扒，牛味最重，而且最多肉汁，有咬口之餘唔會好柴❕另外佢既豚五花都好正，壽喜燒汁超級入味❕佢既沙律吧都好正，可以自助加飯加湯加沙律，而且湯同沙律都幾有誠意，用料實在，性價比真係超高❕

男朋友終於帶我食燒肉啦，我哋上OpenRice搵到東港城，呢到有間神石燒評價都唔錯！嚟到餐廳望一望個Menu最後決定叫傳統石燒：極上原條厚切牛舌芯❣️我同男朋友都好鍾意食啲爽脆嘅口感，呢一款牛舌心好吸引，超級大條！因為佢好厚切，口感非常之冇得彈！另外，我哋見到呢度嘅海鮮都好新鮮，我就追加要頂級虎蝦同日式磯燒鮑魚！佢哋啲虎蝦口感特別彈牙，仲要冇腥味，蝦肉食落仲超鮮甜！鮑魚方面都燒得好香！今次食完之後都覺得好飽好開心😍員工嘅服務質素都好好，環境都幾有日本風味！

今日同朋友行街經過呢間石燒，見價錢幾抵就決定試下～🐮神石美國PRIME牛扒$119我叫既PRIME牛扒肉味勁香，充滿肉汁，好容易切同埋咬，完全唔柴～👅極上原條厚切牛舌芯 $128朋友既牛舌芯我都試左少少，本身我好怕牛舌陣腥味既，但係呢間既牛舌完全冇嗰陣怪味，超好食～🐮澳洲M7黑毛和牛一人盛 $178另外一個朋友既和牛一人盛其實都好吸引，有好多唔同部位既牛肉可以食，而且和牛切得算厚，大大碟非常吸引～我自己就追加左日本北海道千歲產豚肉50g🐽竟然只係$25超誇張平！豬肉味好濃郁但係唔騷，雪花都好平均好靚，食落油香好重超幸福～佢仲有沙律吧可以任食，我就添左勁多碗湯同飯，真係超級好食同抵食～

自私食好野就最開心，今日收工遲佐，自己食埋飯先返屋企，見到呢間幾柔和既燒肉店，又唔會好大燒肉味，就入黎試下。❤️明火石燒：澳洲M7黑毛和牛一人盛$178有和牛食，份量仲唔少，有幾種部位，和牛牛五花先正，啲油花多到爆，真係半肥瘦，牛味好濃，極級濃，肉質好柔軟，燒完就咁食係滑入喉嚨架，牛味又重，另外既牛舌都係好軟嫩，有啲咬口，味道都係好好，真係超級十級好食！🧡追加日式磯燒鮑魚$28一隻既鮑魚好新鮮，好彈牙好爽嫩，唔會腥，好鮮甜，有埋蔥香就仲正！

今晚雖然要自己一個人食飯，但係好想食最想食嘅燒肉，我就決定揀一間價錢抵食又好味嘅燒肉店！當然就係我成日都去嘅呢一間神石燒！✐. 好味程度: 🌟🌟🌟🌟🌟✐. 回訪指數 : 🌟🌟🌟🌟🌟✐. 推介指數: 🌟🌟🌟🌟🌟我就揀咗好抵食，只需要$119嘅傳統石燒：神石美國PRIME牛扒🥩石燒嘅方式令到牛扒可以保持到溫度，而且牛扒好多汁，一路燒一路聞到牛肉嘅香味！聞到都覺得好吸引！食落肉質仲好嫩添呀！另外，仲有個自助沙律吧 ，除咗有新鮮嘅沙律菜之外，仲可以自製紫菜牛角飯！所以超級飽肚又好食👍🏻我見到佢哋嘅放題任食套餐都幾抵食，下個星期都會想同男朋友一齊嚟食，兩個人食就可以慢慢刷餐勁嘅！

已經係神石燒既常客了，一想食燒肉就直接諗到呢間鋪頭😂今日再黎見到佢有夏日限定單品，就當然要試下！🍋檸檬塩糀牛舌及牛五花盛合200g $109牛舌同牛五花非常入味，檸檬汁同蔥花令兩個肉食落都好清新，牛舌完全唔騷，牛味香濃，牛五花就充滿油香，超好食，而且份量一如既往地好多🐮當然黎到就要食埋佢既沙律吧啦！飯可以加紫菜呢點真係好吸引，沙律吧又多菜可以揀🥗但我最鍾意都係佢既湯，真係好足料好夠味，湯料都多🍚環境方面今次黎都幾乾淨，冇太大油煙，位置亦都乾淨👍🏻

Lunch去咗食呢間好抵食嘅高質燒肉店，之前係朋友介紹我嚟食，今次經過東港城，又吸引住我想食啦！今次我就叫咗呢個週年限定半額：一人火山燒肉盛《美國牛肉燒肉盛合》❗️價錢仲抵食過上次好多喎❗️1.美國安格斯牛肉2.美國特級牛五花3.薄切蔥花牛舌喺呢三款入面，我最鍾意就係食佢哋嘅美國特級牛五花，因為我自己鍾意比較有脂肪嘅肉，感覺特別鬆軟！但係我覺得另外兩款都唔錯，如果安格斯牛肉嘅牛味就特別濃郁！薄切蔥花牛舌就好香蔥味！我最鍾意配埋紫菜飯，簡直係Perfect！我仲額外用半額追加牛肋條串！牛筋條好入味，仲想食多幾串添！

今日先發現東港城呢度有呢間食燒肉既，裝修行小清新既風格，樓底都幾高，唔怕食到成身油煙味。呢度有自助既沙律吧，全部沙律都好新鮮，蕃茄仔青瓜粒粟米菜絲都有，夠晒清新🥗🥗傳統石燒：極上原條厚切牛舌芯$128🥩🥩原條既牛舌芯真係唔同啲呀，勁厚身，但又唔會鞋，超嫩切開仲係粉嫩色，用石板去燒，唔會燒到太熟，岩岩熟，好嫩，好柔韌，牛味真係好濃，超級好味道！傳統石板都唔駛擔心會燒燒下唔夠熱，之後再叫店員幫手換板就好！追加日式磯燒鮑魚$28🐚🐚鮑魚都幾大隻，燒完都幾香，幾煙韌，磯燒既方法幾鮮甜，味道特別濃，正呀！

咁岩黎東港城呢邊搵朋友，中午就試下呢間神石燒，中午有餐廳，仲抵食啲！我食呢個一人火山燒肉盛既神石特級五花盛合只係$54，啲肉超多，有雞有豬有牛，抵食到傻！牛肉係美國特級牛五花，牛五花真係好肥美既，但亦唔會過膩，反而牛味真係好濃，激香牛味！西班牙豚五花就係好似煙肉咁，鮮嫩既豚肉燒完脆脆地，咬落有啲煙韌，加埋啲蔥香，勁香！美國無激素走地雞脂肪相對另外兩款較少，但同樣鮮味，雞肉嫩滑，雞皮燒脆就最好食，直情係蔥油雞！一個女仔食晒成碟肉已經好飽，仲要有其他沙律湯飯果啲可以蠢拎，抵到飛起！