影片
更多
2009-11-24
86 瀏覽
鄉下有親戚老遠出城,附近好少少的食肆不多,近年來都是往海港跑.星期天關係,一早已訂好檯,而所有房都闢作一般大堂用.大大小小十一人坐得舒服,但人手可能不足,往往要自己落手落腳擺餐具.魚湯花膠娃娃菜 : 個人幾怕娃娃菜淥得唔夠稔,是日魚湯清甜,娃娃菜菜身夠稔,入味,加上少許紅椒及炸過的蒜粒,的確好冶味.燒汁安格斯肥牛粒 : 完全唔知做乜,燒汁芡好杰,牛肉粒無乜味,加上三色椒炒都救唔返,失敗.東山羊腩煲 : 自從食過妹記咁差既羊腩煲之後,真係求其一間都好食,至少南乳汁夠濃,枝竹炆得恰到好處,羊腩份量足,而且又夠稔同入味,加上用 gas 爐保溫,算係暫時呢個幾月黎食到最好既.琥珀河蝦仁 : 其實即係合桃蝦仁,不過兩者無乜關係,河蝦處理手法同清炒蝦仁一樣,合桃用蜜糖燴過,然後分別上碟,根本兩者無溝埋一齊炒.閩南糯米蒸肉蟹 : 足八兩肉蟹一隻放飯面蒸,蟹汁沁入糯米飯內,味道變得多層次,可惜糯米飯不是生炒,而且比較"濕".如果可以乾身一點就更好了.燒鵝(半隻) : 食過元朗天鴻出爐燒鵝之後,真的有比較,雖然說燒鵝是海港一主打菜,而且半隻足一圍人享用,但鵝身油脂比較多,而且放置一段時間,冷卻了的鵝皮及
星期天關係,一早已訂好檯,而所有房都闢作一般大堂用.
大大小小十一人坐得舒服,但人手可能不足,往往要自己落手落腳擺餐具.
魚湯花膠娃娃菜 : 個人幾怕娃娃菜淥得唔夠稔,是日魚湯清甜,娃娃菜菜身夠稔,入味,加上少許紅椒及炸過的蒜粒,的確好冶味.
燒汁安格斯肥牛粒 : 完全唔知做乜,燒汁芡好杰,牛肉粒無乜味,加上三色椒炒都救唔返,失敗.
東山羊腩煲 : 自從食過妹記咁差既羊腩煲之後,真係求其一間都好食,至少南乳汁夠濃,枝竹炆得恰到好處,羊腩份量足,而且又夠稔同入味,加上用 gas 爐保溫,算係暫時呢個幾月黎食到最好既.
琥珀河蝦仁 : 其實即係合桃蝦仁,不過兩者無乜關係,河蝦處理手法同清炒蝦仁一樣,合桃用蜜糖燴過,然後分別上碟,根本兩者無溝埋一齊炒.
閩南糯米蒸肉蟹 : 足八兩肉蟹一隻放飯面蒸,蟹汁沁入糯米飯內,味道變得多層次,可惜糯米飯不是生炒,而且比較"濕".如果可以乾身一點就更好了.
燒鵝(半隻) : 食過元朗天鴻出爐燒鵝之後,真的有比較,雖然說燒鵝是海港一主打菜,而且半隻足一圍人享用,但鵝身油脂比較多,而且放置一段時間,冷卻了的鵝皮及油脂,不單賣相,就連口感都變差,又或者說,但凡即出爐燒鵝,都幾難唔好食.
陳醋海哲 : 用上海哲頭,混上陳醋及花生,蒜碎及少許紅椒,入口芳香,咬一口爽脆,不過真係唔明,一個前菜竟然係最後至到.
栗子雞煲 : 好一般,雞肉太乾身,而且過咸,食一舊已經停手.
燒腩仔 : 雖然係前菜,但皮脆肉嫩,五層肉紋理清晰,入口豐腴.
再加上椰皇雪蛤同芒果布丁,埋單唔駛一千,既有房坐,又幾經濟吓.
張貼
