漁獲浜燒 (已結業)

今晚同太太去食燒海鮮，當然要食好D。首先開開胃，叫了沙律和刺身飲番杯。金目鯛刺身，肉質好好，而且鮮甜。鱼骨炸了，夠香口。燒白鱔，望見似鳗魚，肉質食就知，皮亦好脆口。海鮮拼盤，好新鮮生猛。原來餐廳服務好好，有專人燒。蠔大大隻，輕輕燒一會，咸咸地有鮮海水味。帆立貝，肉厚大粒，加入自家制牛油香草蒜蓉醬，好香入晒味。味真蟹甲羅燒，蟹蓋先加生蛋和蟹膏邊燒邊攪拌，加上麵包糠，配多士食就不會太流。燒好南非鮑魚後，點了柚子胡椒醬，辣辣地帶柚子香，與爽口鮑魚好夾。燒大蝦和蟹腳時，就最香，而且啖啖肉，鮮甜好味。