燒味滷師 (富榮花園) (已結業)

大角咀富榮花園燒味滷師，叉燒切鹽焗雞油雞燒肉燒鴨 燒鵝同埋各式滷味凍食小菜樣樣都有價錢性價比高，平時唔煮飯，買燒味飯，或者過時過節買隻雞鵝屋企做餸，或者切隻雞，都方便快捷，最緊要大家食得開心，方便又唔洗煮。-泰式鳳爪趁天氣仍然熱熱地，買盒泰國小食解暑就最正 ，鳳爪味道酸中帶微辣，超爽口。-燒味佬叉燒片片切得厚薄適中，一睇就知師傅刀功好。外面燒得紅噹噹超誘人，仲帶有閃閃蜜汁的亮澤，肥瘦適中，微燶仲有炭火的香口，肉味濃唔肥膩。-至尊燒鵝燒鵝一食就知靚鵝， 肉嫩唔覺霉，燒得夠火喉 ，皮燒得脆爆晒汁，入口鵝味濃濃的，性價比高。-客家鹽焗雞 雞肉 質地嫩，咸香有序，而且隻雞本身大細適中，唔會似春雞咁霉又唔會係老雞肉柴柴，份量無欺人，抵食。