影片
更多
2022-02-14
185 瀏覽
星期日過咗去堅尼地城嗰邊買嘢，順便食晏。見天氣咁凍❄️，食碗湯麵就最適合不過。我哋去咗幫襯「101台灣養生湯麵」，唔知係咪新開呢，但又唔記得舊鋪係乜。餐廳星期日都有提供午市套餐，即係送飲品。選擇都幾多，有麵食🍜，亦有台式飯🍚。價錢介乎$5X-$6X，屬正常水平。題外話，呢度晚市仲有提供火鍋添。台灣藥膳香辣蕃茄牛肉米線($72)，睇湯頭顏色紅卜卜，就知蕃茄味幾突出🍅，但同時辣味亦都顯著，留意返我只係嗌咗小辣呢。牛肉係用上牛腩🥩，大大件，好有質感，另外亦有三大嚿蘿蔔。麵底預設咗係配米線，可加錢轉手工麵或烏冬，我落完單一陣先醒起唔記得咗轉麵，但可惜為時已晚，過多幾分鐘碗麵已經送上😭。台灣藥膳沙茶湯米線($52)，包兩款$6配料。呢碗係台式車仔麵，餸料自行選配，主要分為$6同$8兩種，嗌後者補返差價就得。我要咗沙茶牛肉同白菜豬肉餃，🐮前者幾好，大大片，同港式沙嗲牛麵啲牛肉有得揮，🥟後者就估唔到有三隻咁多。沙茶湯底幾香，再滲出微微藥膳味，特別。藥膳上湯濃汁手作牛丸($25)，🍢牛丸一客有五粒，肉質尚算爽彈。湯底應該係藥膳清湯，佢係幾款之中最清徹，而且藥膳味最濃郁。鹵水雞翼($25/3隻)，🍗雞翼鹵
星期日過咗去堅尼地城嗰邊買嘢，順便食晏。見天氣咁凍❄️，食碗湯麵就最適合不過。我哋去咗幫襯「101台灣養生湯麵」，唔知係咪新開呢，但又唔記得舊鋪係乜。
餐廳星期日都有提供午市套餐，即係送飲品。選擇都幾多，有麵食🍜，亦有台式飯🍚。價錢介乎$5X-$6X，屬正常水平。題外話，呢度晚市仲有提供火鍋添。
台灣藥膳香辣蕃茄牛肉米線($72)，睇湯頭顏色紅卜卜，就知蕃茄味幾突出🍅，但同時辣味亦都顯著，留意返我只係嗌咗小辣呢。牛肉係用上牛腩🥩，大大件，好有質感，另外亦有三大嚿蘿蔔。麵底預設咗係配米線，可加錢轉手工麵或烏冬，我落完單一陣先醒起唔記得咗轉麵，但可惜為時已晚，過多幾分鐘碗麵已經送上😭。
台灣藥膳沙茶湯米線($52)，包兩款$6配料。呢碗係台式車仔麵，餸料自行選配，主要分為$6同$8兩種，嗌後者補返差價就得。我要咗沙茶牛肉同白菜豬肉餃，🐮前者幾好，大大片，同港式沙嗲牛麵啲牛肉有得揮，🥟後者就估唔到有三隻咁多。沙茶湯底幾香，再滲出微微藥膳味，特別。
藥膳上湯濃汁手作牛丸($25)，🍢牛丸一客有五粒，肉質尚算爽彈。湯底應該係藥膳清湯，佢係幾款之中最清徹，而且藥膳味最濃郁。
鹵水雞翼($25/3隻)，🍗雞翼鹵得幾入味，味道亦唔會過鹹。
飲品方面🥤，我哋要咗凍港式奶茶同埋凍黑糖冬瓜茶，凍飲+$2，即使無轉加大，飲品已經好大杯。兩杯個味都OK，甜度適中。
總括嚟講，天氣凍食返碗熱辣辣嘅湯麵令人滿足☺️，飲啖湯個人即刻暖笠笠。餐廳環境幾闊落，比起連鎖米線舖好坐，難怪堂食同外賣嘅客人都唔少呢。
張貼
