源記餐廳 (已結業)

今日黃昏時段路過在大圍，順便在源記餐廳食下午茶，叫咗一個焗一焗系列的椰香葡汁滑雞飯，$43蚊連埋奶茶。熱騰騰的焗飯要用飯碗舀取來吃，舀起接近有兩碗，四件雞肉都大大件，炒飯底粒粒飯香很清爽，起絲的椰香葡汁相信一定有芝士，味道香濃；奶茶香滑都唔錯，其實晚餐我也吃過椰香葡汁滑雞飯，$60，我覺得晚餐同埋下午茶個份量都好似差唔多。下午茶時間至到6:00完結，呢餐下午茶都足夠我可以當晚餐，好抵食！如果係禮拜六日同埋紅色假期呢每款係要加$2嘅，$45其實都抵食啦！