野玩海店 (已結業)

同朋友二人都係第一次黎到，入到餐廳好似入左一艘潛水艇好特別！天花板掛住滑板充滿夏天氣息。一見到個餐牌已經俾個焗龍蝦圖片吸引住其實都係為左食哩個而黎！食熱食前我地點左半打生蠔作冷盆前菜 生蠔雖然唔算好大隻 但勝在新鮮 食完好開胃。二人套餐包二個餐湯同沙律 南瓜湯好濃和鮮甜。個餐仲包左個pizza 指定味道冇得揀 但哩個夏威夷沙律醬pizza 岩晒我 薄脆底好香口 新鮮熱辣焗出黎特別好食 一咬一拉芝士好滿足！我覺得哩個pizza 好味道 值得介紹。食左一輪終於等到主菜波士頓龍蝦出場喇！一盤滿滿既黃金芝士睇到口水都流出 龍蝦啖啖肉好爽好新鮮 餐廳有手套提供好貼心。除左龍蝦 仲有青口 大蝦 大蜆 粟米同薯仔 好食！食到最後我點左一杯熱飲做餐飲 個茶壺好可愛呀！哩杯熱薑檸檬蘆薈蜜都好濃薑味 飲左對皮膚好嫁！