薯芝味 (已搬遷) 新店位置

今日去東廣場搵食，原來而家多咗好多食店，見到薯芝味幾有趣。舖位唔大，但都擺到4-5張枱喺舖入面，舖出面都有3-4張枱。主要係叫set, 個set可以揀焗薯或者法包，再揀醬汁同埋配菜，然後揀主菜，有pasta 同埋salad,最後揀埋飲品。👉🏼我揀咗焗薯配招牌芝士醬同埋牛油粟米加菠蘿、菠菜長通粉、龍眼蜜。覺得芝士醬味道偏淡同偏甜，同我想像中有出入。長通粉嘅菠菜汁亦係偏淡，我估佢落咗好多cream或奶製品去煮，因為我有lactose intolerant 食完個胃會唔舒服。杯龍眼蜜唔錯，甜度適中。👉🏼呢個餐唔同嘅係主菜係沙律，飲品係玫瑰花綠茶。個沙律撈咗酸酸甜甜嘅醬，係幾開胃，而杯茶就一般。整體呢餐份量好夠食，但味道一般，以$55一個set這價錢吃到這個質素，都冇得挑剔。