LOF10 Bistro (已結業)

最近暑假，書展開鑼，就搵吓周圍有咩食。附近有一間 辦館Bistro LOF10，好快咁行到過去，喺演藝學院對面。佢個lunch Menu有咖喱，炸物，焗飯焗/長通粉/魚等等都好多樣化。另外佢嘅飲品都有拉花，可以期待一下。焗白汁雞肉長通粉出面嘅焗野通常會焗得好乾，但係佢表皮好香脆，層次豐富，下低係軟淋淋芝士，拉出嚟滿佈芝士絲，口感好好。佢嘅醬汁伴埋啦入面焗得啱啱好嘅長通粉，通常入面會好乾，不過佢都處理到入面保持濕潤，長通粉每一條都係一樣嘅質地，唔會有嗰種出面光入面濕嘅感覺。法式百里香烤春雞成隻雞啦整得好入味，同埋好均勻，佢嘅醬汁有少少黑椒味，佢嘅薯菜都整軟硬度啱啱好，新鮮，唔會覺得係擺咗好耐。鮮奶抹茶甜到啱啱好，都好滑，而且上面仲有佢哋餐廳嘅標誌，好有心思。巨峰提子梳打好Flesh個口感，加埋巨蜂提子嘅味道，夏天飲好正。唔會話太多梳打嘅感覺，佢用外賣杯再起方便你飲完拎走。