金記冰室 (新港城中心4期) (已結業)

自從金記喺馬鞍山⛰開咗分店之後，也米😍一直冇食過，於是今日經過嘅時候，就決定去試吓！咁啱今日去到餐廳🍽嘅時段，係早餐同午餐都會有，所以就決定兩個都試吓😆！-🍴(早餐)招牌鮮牛肉米粉($42) - 鮮牛肉🐮嘅數量得好少，用咗薑絲去調味，不過由於薑絲有啲多，所以導致成碗米粉都好重薑味🤭。仲有唔知點解米粉食落有啲似粉絲🤔。-🍴煎雙蛋餐包(改炒蛋)(跟早餐) - 餐包表面有啲皺紋，唔係好靚，而且炒蛋有啲碎，所以一般🤭。-🍴檸檬菜蜜(跟早餐) - 檸檬🍋有三片，而菜蜜正常普通 。-🍴(午餐)芝士鮮茄焗炸雞脾飯($65) - 雞髀幾大隻🤩，而且炸到金黃色、脆卜卜！但係有啲邊位比較偏乾，啲肉偏柴🤭。焗飯係用炒飯底，幾香，當中用咗紅蘿蔔粒🥕、洋蔥🧅同西芹做調味，食得出醬汁係用新鮮番茄製造，而且仲放咗一大片蕃茄係面。