影片
更多
2014-09-06
1233 瀏覽
八月二十二日 (星期五) 晚上大約 6:35，時間尚早，我地一行三人係元朗雞地搵地方食晚飯，行經 “小茄子” 食店，就諗住入去試試！一入去招呼我地既係一個帶眼鏡短頭髮個子矮小既中年女士，佢俾我既感覺係疑似老闆娘，因為佢好緊張，係咁介紹佢地食店幾款貴價既菜式，係咁叫客人試咖喱蟹！當日我地一早就諗住唔叫咁多嘢食，因為想食完之後再到附近舖頭食甜品，所以只叫咗兩碟小食，兩個小菜及一個海鮮炒飯再加椰青！我地剛翻開餐牌，都未望清楚入面有乜嘢食，個中年女士就已經企定定係我地後面係咁問我地落得單未，問咗一次我地未 ok，之後隔一陣又再連續催促我地落單！我地見到餐牌有串燒，只得雞同豬肉，最少要叫兩串，咁我地就點咗兩豬一雞，個位女士就好大聲話: "無牛唔可以單叫"，一共連續講咗三次！我地有d被嚇呆，也回應知道佢地無牛肉串燒，之後才明白佢話唔可以單叫的意思，一係叫三串雞，一係叫三串豬，咁我地就點咗三串豬！先黎一碟無骨酸辣鳳爪，鳳爪斬得好碎，用菜及洋蔥墊底，墊得高高的，因此鳳爪份量不多，味道真係夠晒酸同辣，建議唔食得辣的朋友就不要點這個小食！之後黎個沙嗲豬肉串燒，我地一人拎起一支串燒，我沾了少許沙嗲醬，剛食第
一入去招呼我地既係一個帶眼鏡短頭髮個子矮小既中年女士，佢俾我既感覺係疑似老闆娘，因為佢好緊張，係咁介紹佢地食店幾款貴價既菜式，係咁叫客人試咖喱蟹！
當日我地一早就諗住唔叫咁多嘢食，因為想食完之後再到附近舖頭食甜品，所以只叫咗兩碟小食，兩個小菜及一個海鮮炒飯再加椰青！
我地剛翻開餐牌，都未望清楚入面有乜嘢食，個中年女士就已經企定定係我地後面係咁問我地落得單未，問咗一次我地未 ok，之後隔一陣又再連續催促我地落單！
我地見到餐牌有串燒，只得雞同豬肉，最少要叫兩串，咁我地就點咗兩豬一雞，個位女士就好大聲話: "無牛唔可以單叫"，一共連續講咗三次！
我地有d被嚇呆，也回應知道佢地無牛肉串燒，之後才明白佢話唔可以單叫的意思，一係叫三串雞，一係叫三串豬，咁我地就點咗三串豬！
先黎一碟無骨酸辣鳳爪，鳳爪斬得好碎，用菜及洋蔥墊底，墊得高高的，因此鳳爪份量不多，味道真係夠晒酸同辣，建議唔食得辣的朋友就不要點這個小食！
之後黎個沙嗲豬肉串燒，我地一人拎起一支串燒，我沾了少許沙嗲醬，剛食第一口，個位女士就問都唔問成隻碟連埋沙嗲醬攞走，我朋友完全未點個醬，只係呆咗目送個位女士攞走個醬，於是我另一個朋友就開聲話想要碟沙嗲醬，個位女士竟然大聲反問我朋友: 乜話? ！
跟住個年青男侍應好醒目即刻補上個沙嗲醬，仲話唔好意思！
個豬肉串燒賣相與正宗的泰國菜頗有分別，肉質較 "鞋"，同埋已經唔熱！
當時連埋我地都有大約五枱客人，有部分客人睇緊電視，但突然被人熄咗部電視，我地感覺唔多好，客人睇緊都可以熄電視?！
跟住黎個肥牛炒通菜，食物又係唔夠熱，味道尚可，無乜特別！
之後個海鮮炒飯，又係唔夠熱的，用料又唔足，賣相一般！
其實除咗個酸辣鳳爪同椰青係凍食之外，其餘既食物都係唔熱既，極其量只係微暖！而且，佢地話就話係泰國菜，但食落去都唔似正宗既泰國菜，而係港式既煮法，味道只係一般，份量又唔多！
食食下，我地發覺有碟香茅豬扒無黎到，應該漏咗單，可能係個位女士根本之前心急聽唔到我地有點呢個菜，而且佢亦都無同我地覆過已點的菜單！
見到佢呢 d 咁既服務態度，我地都費事出聲，叫少碟仲好，只係諗住埋單時睇清楚先俾錢！
佢地 d 食物都好快上枱，我地只係食到三分一，就送上免費既甜品，咁我地都知咩事啦，咪就係想趕我地走，要我地快 d 食完！
我地一食完一碟餸，個位女士就立即埋黎收碟，仲大聲好惡問: "請問呢 d 係咪唔要架啦?"
過咗一陣佢又大聲叫個男侍應收埋我地其餘既碟！我地都好無奈，嗱嗱聲埋單走人，當然就梗係一個仙既貼士都唔會俾！
當我地走出去舖頭見到外面根本就無客人等位，而佢地隔離個舖位 (同一個名同一款裝修) 都仲有大把枱，心諗駛唔駛咁趕客呀?！
講到尾可能嫌我地點既菜唔係貴價菜同點得少！！！
之後上返黎 openrice 睇 d 食評先知道原來已經有多位客人有 "被趕" 的經歷，下次如有未曾幫襯過既食肆，入去之前最好都係上黎 openrice 睇下先！唔係就好似今次咁要貼錢買難受！
張貼
