影片
更多
2013-08-08
298 瀏覽
幾日前去左九龍灣薩莉亞分店食野，點知遭受到非常「好」既遭遇。一開始叫野食既，個男waiter要求我大聲清楚將食物名稱一字不漏地讀出黎，我都覺得無問題。D野食上得好快，吾洗幾分鐘就上哂所有野食。開始食野啦，我同幾個朋友食果碟野仲有2啖飯，突然有個男waiter走埋黎，（飛快地）收左我地碟野，問都無問過我地仲要吾要就收左。吾知點解差吾多次次收碟都係佢，第二次佢飛快地收碟既時候，整跌左我朋友餐具，佢無講對吾住就咁汁番起個餐具就走左。我同d朋友完全地呆哂，佢收走左個餐具又無拎番個乾淨既餐具比我朋友。要自己出去拎。依間餐廳規定每張枱既進食時間係90分鐘。當我同班朋友食左50零分鐘既時候，禁叮多叫個小食，已經比個waiter 怒啤。為左吾想破壞氣氛，算了。到左60分鐘啦，前後分別有2個waiter走埋黎提醒我地已經last order，之後吾可以再加叫野食。同一班朋友食飯當然會傾下計，食緊個小菜既時候，有個男waiter 吾知有心定無意地係我地張枱行黎行去幾次，極度比壓力我地。我地都打算食埋就走，到左係73-75分鐘既時候，個男waiter走過黎企定定吾郁，我朋友即刻食埋最後個啖，點知一食完佢立馬
幾日前去左九龍灣薩莉亞分店食野，點知遭受到非常「好」既遭遇。
一開始叫野食既，個男waiter要求我大聲清楚將食物名稱一字不漏地讀出黎，我都覺得無問題。
D野食上得好快，吾洗幾分鐘就上哂所有野食。開始食野啦，我同幾個朋友食果碟野仲有2啖飯，突然有個男waiter走埋黎，（飛快地）收左我地碟野，問都無問過我地仲要吾要就收左。
吾知點解差吾多次次收碟都係佢，第二次佢飛快地收碟既時候，整跌左我朋友餐具，佢無講對吾住就咁汁番起個餐具就走左。我同d朋友完全地呆哂，佢收走左個餐具又無拎番個乾淨既餐具比我朋友。要自己出去拎。
依間餐廳規定每張枱既進食時間係90分鐘。當我同班朋友食左50零分鐘既時候，禁叮多叫個小食，已經比個waiter 怒啤。為左吾想破壞氣氛，算了。到左60分鐘啦，前後分別有2個waiter走埋黎提醒我地已經last order，之後吾可以再加叫野食。
同一班朋友食飯當然會傾下計，食緊個小菜既時候，有個男waiter 吾知有心定無意地係我地張枱行黎行去幾次，極度比壓力我地。
我地都打算食埋就走，到左係73-75分鐘既時候，個男waiter走過黎企定定吾郁，我朋友即刻食埋最後個啖，點知一食完佢立馬收哂枱面所有野。我朋友餐具都味放低，比佢嚇呆左，個男waiter竟然搶走我朋友手中既餐具，仲即刻大聲叫向收銀「xx號枱埋單」。
我以為已經夠鐘，原來係仲有10分鐘先夠，隨即有waiter拎多張單黎比我地，示意想趕我地走。(落完order過一陣會派單)
服務態度真係差到爆炸。
講下食物先,我同班朋友叫左「中華海草」、「挪威三文魚」、「肉醬地比亞」、「蒜汁魷魚」、「芝士薯角」、「墨汁意粉」、「野菌意大利飯」、「辣味雞翼」、「雞肉地比亞」、「水牛芝士比薩」、「黑椒雞肉比薩」等等
中華海草$9碟，個人真係覺得幾抵，同埋幾好食，帶點微辣，可以一試。不過我建議大家吾好去九龍灣分店。
蒜汁魷魚同挪威煙三文魚都幾好食，但係個蒜汁同煙三交魚我就覺得太咸。應該係個人口味吾同，我就吾太鐘意。
地比亞其實係焗飯黎，肉醬同雞肉地比亞都好重芝士味，不錯的。鐘意芝士朋友可以嘗試。
無咩味的比薩。
至於辣味雞翼都係吾錯的，但係我同朋友都覺得完全無辣味。
總體黎講食物同價錢都ok,但係服務真係完全接受吾到，吾會再去依間分店，可以比次機會其他分店，希望吾會再比錢食到成肚「氣」
張貼
