影片
更多
2008-08-28
7 瀏覽
小金魚尋晚同為食"拍拿"小貓一齊去配眼鏡。配眼鏡已經攪到我一肚氣，(<===可惜呢個生氣過程唔當食評)但係估唔到食飯時仲大鑊。我同小貓打邊爐一向都係去稻香，但係尋晚唔知攪乜，稻香超多人，仲要唔係食特價時段，8點幾上到去都話要等10幾張枱(平時去都無咁誇張，尋晚唔知發生乜事~)咁我地又唔想等，唯有轉地點啦。以前我都有食過呢間福苑，質素都算ok~之前多數都係食特價時段(9點後)，所以價錢都唔係貴，但係估唔到今次會攪成咁....上到去唔洗等位，即刻有位坐，可以話係比我地任擇咁~我地都肚餓啦，而且打邊爐嚟嚟去去我地都係食過幾樣野，所以都唔洗點諗就擇咗以下呢幾樣野食！湯底：清湯羅白坑腩 <=== 不如叫做胡椒羅白牛腩仲好，初初食時無味(真係清湯呀)，後嚟越食胡椒味越濃，原全有種用齋食胡淑湯底的感覺~d牛腩無味(至於係咪坑腩，我唔係太識份啦)~我又唔太鐘意食羅白，但係真係好無味，我寧願食沙嗲仲好~生料：珊瑚蚌 <== 迷思 (1) 睇落去新鮮，食落去無味饍片 <== 迷思 (2) 厚身 = 抵食 = 無味 ???? (好詭異的方程式呀~)魷魚片 <== 迷思
配眼鏡已經攪到我一肚氣，(<===可惜呢個生氣過程唔當食評)但係估唔到食飯時仲大鑊。
我同小貓打邊爐一向都係去稻香，但係尋晚唔知攪乜，稻香超多人，仲要唔係食特價時段，8點幾上到去都話要等10幾張枱(平時去都無咁誇張，尋晚唔知發生乜事~)
咁我地又唔想等，唯有轉地點啦。
以前我都有食過呢間福苑，質素都算ok~之前多數都係食特價時段(9點後)，所以價錢都唔係貴，但係估唔到今次會攪成咁....
上到去唔洗等位，即刻有位坐，可以話係比我地任擇咁~
我地都肚餓啦，而且打邊爐嚟嚟去去我地都係食過幾樣野，所以都唔洗點諗就擇咗以下呢幾樣野食！
湯底：
清湯羅白坑腩 <=== 不如叫做胡椒羅白牛腩仲好，初初食時無味(真係清湯呀)，後嚟越食胡椒味越濃，原全有種用齋食胡淑湯底的感覺~d牛腩無味(至於係咪坑腩，我唔係太識份啦)~我又唔太鐘意食羅白，但係真係好無味，我寧願食沙嗲仲好~
生料：
珊瑚蚌 <== 迷思 (1) 睇落去新鮮，食落去無味
饍片 <== 迷思 (2) 厚身 = 抵食 = 無味 ???? (好詭異的方程式呀~)
魷魚片 <== 迷思 (3) = 迷思 (1)
帶子片 <== 全餐最好食個樣野，仲可以話比稻香好食，good~
牛栢頁 <=== 只要新鮮就好~但係因為個湯底無味~所以都係無味~
新鮮蝦丸 <=== 其實OK~只係因為小金魚唔鐘意食新鮮的丸類，所以無乜點食。
鮮滑牛 <=== 普普通通啦~個樣睇落去唔好太好，但係食落OK啦~
金菇菜 <=== 迷思 (4) 好想問下佢地到底有無洗過，因為睇落去好似剛剛切完就攞出嚟比我，但係分量都頻多。
油麥菜 <=== 迷思 (4.1) 食唔矖~
鴛鴦水晶飽 <=== 全部煮幾煮就爛，攪到入面D奶黃同豆沙唔見咁D~但係至好都叫做好食。
熟食：
"九"菜豬紅 <== 幾好食，如果再熱少少會更好
燒腩仔 <== 難食，又肥皮又唔脆，個黃芥辣唔知點解會油多過乜~
至於SERVICE方面，D阿姐真係唔知時運高睇我唔到定點，要叫幾次至嚟，我地本嚟有張枱仔攞野，但係食食下有個阿姐問都唔問下就將D野擺返上我地張枱，然後比第二張枱用，仲有我地因為有叫可樂，佢連個冰桶都收埋，我心嚟，你估我實唔會再叫可樂嗎？果然我地最後叫個3支可樂，有1支佢求其擺係張枱度，攪到最後支可樂唔凍~而且傳菜個D阿姐唔知係咪好多野做，好唔好老脾，有個張我地碟牛肉好大力咁"放"落張枱，我本嚟同朋友傾緊計，比佢嚇左一跳，望一望佢面色，黑口黑面咁~唔知仲以為我得罪咗佢~
仲有呢間D鼓油真係原原全全唔掂，唔好話無鮮味咁大啦~真係連最基本的鹹味都無，真係唔知佢想點呀，所以唯有貴(HKD10.00)都要叫一碟椒絲嚟，至勉強食得落 ，有種迫人叫椒絲的感覺。討厭.....X100~
埋單仲要HKD547.00，嘩仲要貴過稻香，但係我去稻香食得開開心心，呢度食物又唔好~SERVICE 又唔好~價錢又超貴。(湯底就當係我唔識擇，擇錯咗啦)
下次我寧願係稻香等位，都我都唔會再嚟呀~~~~
張貼