一輝燒味小廚茶餐廳 (已結業)

前晚瞓得唔好，冇乜胃口，諗住食雪菜火鴨絲紋米，醒胃o的。老婆著高跟鞋，話腳痛唔想行咁遠唔去新創發；馬鞍山小廚又嫌佢貴。咁經過一輝，就咁入左去。o係馬鞍山住左十幾年，一輝呢間餐廳，之前最多去過一次。連埋今次叫做第二次，不過會係最後一次。老婆食：燒味雙拼。我食：雪菜火鴨絲炆米。ＳＯＲＲＹ開場白寫左咁多，以下係結語。（o的野食可以話無需要講，唔係話佢唔好食，其實算係不過不失）老婆個雙拼冇乜肉，而我個炆美。。。好細份，個阿姐拎到o黎我地都呆左一呆，我同我老婆用左４個例子，o黎形容佢有幾細份。１。你有冇試過星期五帶飯，返到公司發覺同事都出去食，自己跟大隊出去，但係星期六日唔駛返工，惟有將個飯盒帶返屋企。而你星期五晚食o個個飯盒，就等於我食o個個炆美。２。又或者你有冇試過女朋友想要麥當勞個o的玩具，自己走去食happy meal。你食o個個happy meal，就等於我食o個個炆美。３。再唔係你有冇試過請病假，晏晝落大家樂食下午茶。你食o個個下午茶，就等於我食o個個炆美。４。如果都冇試過，咁有冇試過去大家樂叫焗豬扒飯，但係冇堂食碟，淨返外賣紙盒裝。你食o個個外賣紙盒裝，就等於我食o個個炆美。個炆美