影片
更多
2021-10-11
1955 瀏覽
本身想去另一間餐廳，點知今日冇開門，隨便喺附近見到有個招牌寫住無限時任食火鍋$268，like 佢FB 再減$100，好似幾好所以上去試試，點知。。。上到去見到都無乜人，心諗可能唔就腳，所以無乜人，但原來係同質素有關。。。送嘅刺身可以添一次，三文魚，八爪魚，生蝦，北寄貝四款，但爭鮮都好食過佢。。火鍋料方面，海鮮得幾款唔見得有幾新鮮，炸魚皮有啲油益嘅怪味，其他食材都係啲平價食品，最好都係啲粟米同啲菜･_･;講吓優點，環境尚算乾淨嘅，又有泊車優惠，啤酒任飲又冇限時，如果唔係都應該直情冇人去。但去到埋單先知，減$100嘅優惠係冇呢回事，仲要收銀係態度勁差咁講話嗰個停咗啦，咁又奇怪喇，點解出面仲要周圍宣傳有呢樣嘢呢？社交平台係咁寫，點餐紙係咁寫，出邊嘅宣傳海報都係咁寫，佢雖然轉左係八五折價錢唔係爭好遠，但係就略嫌有誤導成份囉😒個人嚟講唔會再有下次
上到去見到都無乜人，心諗可能唔就腳，所以無乜人，但原來係同質素有關。。。
送嘅刺身可以添一次，三文魚，八爪魚，生蝦，北寄貝四款，但爭鮮都好食過佢。。
火鍋料方面，海鮮得幾款唔見得有幾新鮮，炸魚皮有啲油益嘅怪味，其他食材都係啲平價食品，最好都係啲粟米同啲菜･_･;
講吓優點，環境尚算乾淨嘅，又有泊車優惠，啤酒任飲又冇限時，如果唔係都應該直情冇人去。
但去到埋單先知，減$100嘅優惠係冇呢回事，仲要收銀係態度勁差咁講話嗰個停咗啦，咁又奇怪喇，點解出面仲要周圍宣傳有呢樣嘢呢？社交平台係咁寫，點餐紙係咁寫，出邊嘅宣傳海報都係咁寫，佢雖然轉左係八五折價錢唔係爭好遠，但係就略嫌有誤導成份囉😒
個人嚟講唔會再有下次
張貼