黑木亭居酒屋 (清風街) (已結業)

星期五夜晚6:00，人在灣仔，女友突然話想食好d，但搵過銅鑼灣基本上比較好的都fully booked. 唯有轉戰天后。又係open rice搵，搵到呢間睇落評分唔錯又仲有位book既居酒屋。燒雞翼同雞泡魚乾最ok。雞腎都燒得好好，但係太多鹽，好咸。燒蕃薯完全唔掂，睇住佢攞左個盒出黎，入面係蕃薯片，但比水浸住，似係糖水用黎增加甜味。點知真係無估錯，d蕃薯食落去完全唔係日本d甜蕃薯，個芯同個面唔同甜度，甜味係用糖水浸出黎的，食過最差都係今次。飯團又係唔掂，用微波爐翻叮出黎，又乾又黐牙⋯最過份係d壽司⋯中拖羅乾到無水無油脂⋯三文魚酸的，好彩每樣叫得一件，希望女友唔好肚痛。呢間無下次。