影片
更多
2023-02-15
1083 瀏覽
今日星期六公司聚餐所以去食，同事想食蒸氣+粥底火鍋，見呢間平平地又任食任飲，點知食到成肚火🤬呢間喺鬧市銅鑼灣，上到去比想像中細間，而且坐唔滿，之前明明問價係298加一，上到去又話298加68包豉油同加一，都算！好喇開始蒸海鮮，讚嘅係啲野都新鮮嘅，啲鮑魚仲郁吓郁吓，牛肉ok啦，但啲海鮮唔見有得任食，每人一個份量，可能係叫左個龍蝦餐啦我地冇睇清楚就算啦。舖面見有3、4個職員，幫手蒸野食鬼咁慢，寧願自己黎啦！餐具就只係得對筷子同隻叉，焗住搵手食，個生蠔都唔係開半殼要自己搵把刀仔開，全部野都好唔專業，跟住問佢有冇紙巾或濕紙巾抹手，每包紙巾收2蚊，算！諗定搵啲小食頂吓肚，得4款（青瓜、雲耳、咸雞、口水雞）食到悶悶地。食完海鮮跟住打邊爐喇，得2個款芫荽同粥底，芫荽就係加啲芫荽皮蛋落本身個鍋，所謂椰水粥底都淡淡地粥水，我地話有陣燶味可能煲煲吓痴左底，佢啲職員只係加啲水落去，同埋堅稱話佢經驗知道冇燶到囉，初時係都唔換過煲，真係愈黎愈且火😡到食完收野唔係有個盤出來收，係將你所有豉油呀，吉樽呀放晒入嗰鍋野度先收，啲豉油會彈落你個身度囉。跟住埋單喇計返條數係每人298加68=366之後再加左我地36蚊，成4
呢間喺鬧市銅鑼灣，上到去比想像中細間，而且坐唔滿，之前明明問價係298加一，上到去又話298加68包豉油同加一，都算！
好喇開始蒸海鮮，讚嘅係啲野都新鮮嘅，啲鮑魚仲郁吓郁吓，牛肉ok啦，但啲海鮮唔見有得任食，每人一個份量，可能係叫左個龍蝦餐啦我地冇睇清楚就算啦。
舖面見有3、4個職員，幫手蒸野食鬼咁慢，寧願自己黎啦！餐具就只係得對筷子同隻叉，焗住搵手食，個生蠔都唔係開半殼要自己搵把刀仔開，全部野都好唔專業，跟住問佢有冇紙巾或濕紙巾抹手，每包紙巾收2蚊，算！
諗定搵啲小食頂吓肚，得4款（青瓜、雲耳、咸雞、口水雞）食到悶悶地。
食完海鮮跟住打邊爐喇，得2個款芫荽同粥底，芫荽就係加啲芫荽皮蛋落本身個鍋，所謂椰水粥底都淡淡地粥水，我地話有陣燶味可能煲煲吓痴左底，佢啲職員只係加啲水落去，同埋堅稱話佢經驗知道冇燶到囉，初時係都唔換過煲，真係愈黎愈且火😡
到食完收野唔係有個盤出來收，係將你所有豉油呀，吉樽呀放晒入嗰鍋野度先收，啲豉油會彈落你個身度囉。
跟住埋單喇計返條數係每人298加68=366之後再加左我地36蚊，成402蚊1個人，好彩有計數，大家要小心！
總括野食唔係特別好食，又唔係特別多款，主要都係用黎火鍋嘅料，係有啲蒸好嘅包咁囉，但呢個價錢去食其他火鍋任食仲多野食啦，蒸唔係特別出色，火鍋直情好似滾水烚咁，真係食到成肚火忍唔住上來評一評😠
張貼