裕興咖啡 (已結業)

今早落雨，唔行太遠，選擇喺公司附近嘅大排檔食早餐，呢間叫《裕興》嘅大排檔，檔仔細細，食品選擇少，主力賣"出前一了"。我見隔離枱件多士烘得咁靚，就點份炒蛋多士餐試試。份多士指定咗係"奶醬多"，唔准改其它 。多士選用麥包，烘得好香脆。凍檸茶嘅茶味不算香濃，而且偏甜。炒蛋內有椰菜絲，感覺健康，可惜炒蛋過火，有少少爐。埋單$28蚊，整體感覺普普通通。